ИШТИРОКИ НАМОЯНДАГӢ ДАР ЧОРАБИНИҲОИ ҶАШНӢ БА МУНОСИБАТИ РӮЗИ ВАҲДАТИ МИЛЛАТҲОИ РОССИЯ ДАР ШАҲРИ НОВОСИБИРСК 4 ноябри соли 2026 дар шаҳри Новосибирск ба муносибати Рӯзи ваҳдати миллатҳои Россия чорабиниҳои бошукӯҳи фарҳангию идона баргузор гардиданд, ки дар онҳо масъулини Намояндагӣ ва намояндагони ташкилотҳои ҷамъиятии тоҷикони минтақа фаъолона иштирок намуданд. Дар доираи чорабиниҳо намоишгоҳҳои фарҳангӣ ташкил гардида, анъанаҳо, ҳунарҳои мардумӣ ва арзишҳои миллии халқҳои гуногун муаррифӣ карда шуданд. Аз намоишгоҳҳо губернатори вилояти Новосибирск Андрей Травников, муовини раиси шаҳри Новосибирск М. Останин, Қаҳрамонони Россия ва вакилони Маҷлиси қонунгузории вилоят боздид намуданд. Иштироки ҳамватанон дар чунин чорабиниҳо ба муаррифии фарҳангу арзишҳои миллии Тоҷикистон, таҳкими дӯстии халқҳо, ҳамдигарфаҳмии фарҳангӣ ва густариши муносибатҳои дӯстонаю шарикии стратегии Тоҷикистону Россия мусоидат менамояд.