☀️ Добрай раніцы! Сёння, 17 жніўня, беларусаў чакаюць наступныя падзеі: ▪️Дзень нараджэння Юрыя Стыльскага і акустычны/музычны канцэрт (Варшава, паб Beer Station Praga, ul. Ząbkowska 5, 19:00), 50 PLN ▪️Выстава "Музей вынаходніцтваў Леанарда да Вінчы" (Мінск, Інтэрактыўны музей занімальных навук "ЭКСПІРЫмЕНтУС", ТРЦ "Чэрвеньскі", 2-гі паверх, вул. Маякоўскага, 6, 10:00) ▪️Шоу "Сады снабачанняў — танцавальная містэрыя" (Мінск, Дом эксперыментальнага мастацтва, 17:00) ▪️Экскурсія на кінастудыю "Беларусьфільм" (Мінск, пр-т Незалежнасці, 98, 14:00, 15:30)
Позірк. Навіны пра Беларусь
Навіны Беларусі. Аналітыка. Інтэрв'ю Сайт: https://pozirk.online ▪️YouTube: http://bit.ly/40t8H9a ▪️Facebook: https://bit.ly/3TSLGdf Сувязь з рэдакцыяй: @pozirkeditor
-
edited -
edited
🌙 Галоўныя навіны 10—16 жніўня: 🥷 Дарадца Ціханоўскай: Мінск актывізаваў выкарыстанне Інтэрпола для палітычнага пераследу, новыя выпадкі — штотыдзень 🕯Памёр Мікалай Казека — легендарны беларускі трэнер па фрыстайле, які ў 2020-м падтрымаў пратэсты 👩🏻💼 Ціханоўская пра Мілінкевіча: Чалавек выключнай годнасці, які стаў для многіх арыенцірам 🇸🇪 Швецыя будзе выдаваць эмігрантам з Беларусі праязныя дакументы замежніка ⛓️ Праваабаронцам вядома пра 220 асуджаных па "справе Беларускага Гаюна". 😢 Беларусы загінулі ў аўтааварыі ў Грузіі 🥷 КДБ унёс яшчэ 7 чалавек у спіс "тэрарыстаў" 🙅♂️ Сайт па вербоўцы беларусаў на вайну супраць Украіны перастаў адкрывацца 👤 У "спіс экстрэмістаў" дададзена яшчэ чатыры чалавекі 💰 Даўгі прадпрыемстваў за год выраслі на 9,4% — даныя Белстата 📷 Не стала трэнера Мікалая Казекі і палітыка Аляксандра Мілінкевіча Калаж: "Позірк", фота TUT.BY і фэйсбук-акаўнт Аляксандра Мілінкевіча.
-
edited
У гарах Кыргызстана знойдзеныя целы — верагодна, зніклых раней беларускіх альпіністаў Пра “самую цяжкую навіну за ўсе гэтыя дні” паведамляецца на партале kurumdy.by, створаным з мэтай садзейнічання пошукам альпіністаў, зніклых у гарах у Кыргызстане. “Раніцай 16 жніўня пры аблёце схілу дрон зняў месца сходу снежна-каменнай масы. Пры разборы запісаў у вынасе, побач са знойдзенымі раней рэчамі, выяўленыя целы. З высокай імавернасцю гэта ўдзельнікі групы”, — гаворыцца ў паведамленні. Адзначаецца, што канчатковае апазнанне целаў “магчыма толькі пасля спуску”, да гэтага часу партал не будзе “называць ні імёнаў, ні якіх-небудзь падрабязнасцяў”. “Сем’і пра ўсё ведаюць”, — падкрэсліваецца ў публікацыі. ✅ Падрабязнасці 🗝 Без VPN 📷 kurumdy.by
-
edited
З Беларусі могуць выслаць яшчэ 11 польскіх святароў Яшчэ 11 польскіх каталіцкіх святароў Мінска-Магілёўскай архідыяцэзіі могуць пакінуць Беларусь, бо яны не атрымалі дазвол ад упаўнаважанага па справах рэлігій і нацыянальнасцяў на працяг рэлігійнай дзейнасці, а “некаторыя атрымалі такі дазвол на мінімальны тэрмін”, — паведамляе ініцыятыва “Хрысціянская візія”. Адзначаецца, што ў сувязі з гэтым старшыня Канферэнцыі каталіцкіх біскупаў Беларусі, мітрапаліт Мінска-Магілёўскі Іосіф Станеўскі накіраваў просьбу да Аляксандра Лукашэнкі аб “падаўжэнні дазволу на служэнне гэтых святароў у Беларусі”. Называецца прозвішча аднаго святара з 11 — Раман Шульц, які служыў у Беларусі з 2007 года. Паведамляецца, што з ім ужо “развіталіся” 15 жніўня падчас імшы з нагоды свята ўнебаўзяцця найсвяцейшай панны Марыі ў Кафедральным касцёле Магілёва. ✅ Падрабязнасці 🗝 Без VPN 📷 katolik.life
-
edited
Яшчэ восем беларусаў, якія пацярпелі ў ДТЗ у Грузіі, выпісаныя з бальніц Пра гэта паведаміла дзяржСМІ Міністэрства замежных спраў. Адзначаецца, што сярод выпісаных пяцёра непаўналетніх. 14 жніўня паведамлялася пра чацвярых выпісаных. Тады ж амбасадар Беларусі ў Грузіі Мікалай Рагашчук анансаваў дастаўку на радзіму целаў загінулых у ДТЗ — спачатку пары (20 і 21 год), затым яшчэ двух беларускіх грамадзян. Мікрааўтобус з 19 грамадзянамі Беларусі зваліўся ў цясніну на горным курорце Гомісмта (рэгіён Гурыя) 12 жніўня. Загінула чатыры чалавекі. ✅ Падрабязнасці 🗝 Без VPN 📷 Сацсеткі
-
edited
Мужчына патануў у калодзежы ў Глыбоцкім раёне Пра ўтапленне ў Глыбоцкім раёне (Віцебская вобласць) мужчыны 1950 года нараджэння паведамляе Рэспубліканскае таварыства ратавання на водах (ТРВОД). Інфармацыя пра гэта паступіла 14 жніўня ў 19:51, гаворыцца ў паведамленні. Цела загінулага знойдзена ў пітным калодзежы на тэрыторыі прыватнага падворка ў вёсцы Шунеўцы і вынятае супрацоўнікамі МНС. ✅ Падрабязнасці 🗝 Без VPN 📷 ТРВОД
-
edited
МУС прадухіліла вываз з Беларусі 19 тон каляровага металу Аб прадухіленні вывазу з Беларусі буйной партыі каляровага металу паведаміла Міністэрства ўнутраных спраў. Адзначаецца, што супрацоўнікі ведамства спынілі ў Мінскай вобласці грузавік, якім кіраваў 39-гадовы жыхар "суседняй краіны”. “Падчас агляду транспартнага сродку міліцыянеры выявілі каля 19 т лому каляровага металу на агульную суму амаль 30 тыс. рублёў. Дакументаў на груз у кіроўцы не аказалася. Ён прызнаўся, што з мінулага года скупляў каляровы метал на тэрыторыі Беларусі для наступнай здачы ў пункт прыёму ў сябе на радзіме”, — гаворыцца ў паведамленні. ✅ Падрабязнасці 🗝 Без VPN 📷 ulpravda.ru
-
edited
Насуперак закону шклозавод “Нёман” і Мінбудархітэктуры рэкламуюць алкаголь Шклозавод “Нёман“ (Бярозаўка, Лідскі раён Гродзенскай вобласці) і Міністэрства архітэктуры і будаўніцтва рэкламуюць алкаголь насуперак закону аб рэкламе, вынікае з праведзенага “Позіркам” маніторынгу іх тэлеграм-каналаў. 14 жніўня завод паведаміў аб адкрыцці ў Архангельску (Расія) крамы “Беларуская вёска“ і прысутнасці ў ёй сваёй прадукцыі. “Адкрыццё наведаў кіраўнік рэгіёна Аляксандр Цыбульскі. Губернатар з вялікай цікавасцю агледзеў асартымент, звярнуўшы ўвагу на вытанчанасць і высокую якасць нашых вырабаў“, — гаворыцца ў прэс-рэлізе. ✅ Падрабязнасці 🗝 Без VPN 📷 тэлеграм-канал шклозавода "Нёман"