Поскачин В.С.

Өртөөһүнү дьиҥинэн билигин даҕаны оҥоруохха сөп. "Профилактический отжиг" - диэн көҥүллэнэр. Уонна саас даҕаны, күһүн даҕаны оҥоһуллуон сөп диэн. Ол иһин айаҥҥа сылдьар дьон саас аайы Амурскай уобаласка, Хабаровскай кыраайга өртөөһүн буола турарын көрдөрөр видеолары ватсапка ыытааччылар. Бу биһиэхэ республикабыт "муҥур" тойоно бобон олорор, ситэри өйдөөбөт даҕаны, куттанара да бэрт. Мин Үөһээ Бүлүүгэ, Сургуулук нэһилиэгин Ыйылас диэн түөлбэҕэ биир кырдьаҕас көрдөһөн анаан-минээн дьон ыытан өртөөһүнү тэрийбитим, ыыттарбытым. Хас даҕаны оттоммотохторо ырааппыт алаастары, күөллэри бэрт баҕайытык өртөөн кэбиспиппит уонна онно билигин улахан сылгы базата тэриллэн бэккэ үлэлии олорор. Онон бу боппуруоһу ханнык баҕарар улуус, нэһилиэк баһылыга быһаарар кыахтаах гынан баран үөһээттэн бобуллан олороллор. Ону ити Ньургуйаана Госдумаҕа талыллар түгэнигэр аҕыйах статьяҕа уларытыы киллэттэриэн сөп бөҕө буоллаҕа дии. Республика былааһыгар уонна баһылыктарга өртөөһүн тэрийээһинин көҥүллүүр эрэ буолбатах, өссө кинилэртэн ирдиир курдук. Оччоҕуна эрэ өртөөһүҥҥэ хамсааһын тахсыаҕа, Айсен Николаев өртөөһүнү тэрийэри да кыайбакка сотору уурайыаҕа.