Усіх таварышаў віншую з гэтым вялікім святам Днём народнага адзінства. Трэба разумець, што міжваенная Польшча не была незалежнай дзяржавай, а была створана краінамі Антанты ў выніку сваёй інтэрвенцыі супраць Савецкай дзяржавы. Быў вынішчаны рэвалюцыйны рух у Польшчы. Больш за тое краіны Антанты напампоўвалі сваю марыянетку Пілсудскага зброяй, закрылі вочы на яго шавіністычныя планы акупацыі Беларусі і Украіны. Іх галоўнай мэтай было супрацьстаянне Савецкай уладзе. Краінам Антанты нічога не каштавала, каб раздзяліць па-жывому беларускі і ўкраінскі народы. Але грамадзянскі канфлікт паміж белымі і чырвонымі, польскімі шавіністамі і нацыянальнымі меншасцямі не знік пасля Рыжскае дамовы. У белай Польшчы цягнулася халодная грамадзянская вайна. Забойства першага прэзідэнта Польшчы Нарутовіча, кракаўскае паўстанне рабочых, вялікая колькасць страйкаў і дыверсій па ўсёй краіне, масавы партызанцкі рух у Заходняй Беларусі давалі зразумець буржуазным элітам Польшчы, што маніпулятыўныя буржуазныя электаральныя метады ўжо не дзейнічаюць. Перад Польшчай маецца рэальная перспектыва яе саветызацыі. Пагэтуль і было ў 1926 годзе дадзена зялёнае святло на фашызацыю Польшчы праз здзяйсненне дзяржперавароту і ўсталяванне рэжыму санацыі. Турмы і канцлагеры станавіліся рэчаіснасцю. Курс дзяржаўнай асіміляцыі меншасцяў павінен быў трансфармавацца на палітыку этнацыду і барацьбу з беларускай тоеснасцю. Такія планы меў рэжым санацыі пасля 1940 году. Пагэтуль менавіта 87 год таму нашая дзяржава ўпершыню ўступіла з фашызмам у яе польскай праяве. Вызваленчы паход РСЧА быў не проста актам гістарычнай справядлівасці, але і адзінай мажлівасцю абараніць жыхароў Заходняй Беларусі ад польскага фашызму і гітлераўскага нацызму. Больш за тое, абарона датычыла ўсіх жыхароў Заходняе Беларусі без розніцы нацыянальнасцяў. Пагэтуль нядзіўна, што толькі больш за паўтысячу выбітных польскіх дзеячоў перайшло на савецкі бок і падтрымала ўз'яднанне Заходняе Беларусі і Заходняе Украіны з БССР і УССР. Гэта была перамога мадэлі сапраўднага адзінства на савецкім падмурку, над тым санацыйным псеўдаадзінствам, якое спрабаваў навязаць фашыстоўскі рэжым санацыі. Са святам таварышы! Памятаем пра каштоўнасці адзінства і пра ўрокі 17 верасня!