Мученику Лонгину Сотнику Тропарь, глас 4 Му́ченик Тво́й, Го́споди, Ло́нгин,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша. Кондак, глас 4 Ве́село возра́довася Це́рковь/ в па́мяти днесь приснопа́мятнаго/ страда́льца Ло́нгина,/ взыва́ющи: Ты моя держа́ва, Христе́,// и утвержде́ние. Величание Велича́ем тя,/ страстоте́рпче святы́й Ло́нгине,/ и чтим честна́я страда́ния твоя́,/ я́же за Христа́/ претерпе́л еси́.