Апостолу от 70-ти Филиппу Тропарь, глас 3 Апо́столе святы́й Фили́ппе,/ моли́ Ми́лостиваго Бо́га, да прегреше́ний оставле́ние/ пода́ст душа́м на́шим. Кондак, глас 4 Язы́ков лове́ц пречу́дный/ и ученико́в Христо́вых собесе́дник,/ апо́столов предызбра́нный,/ Фили́пп днесь ми́ру исцеле́ний подае́т бога́тство,/ покрыва́ет от обстоя́ний того́ хва́лящия./ Тем согла́сно зове́м ему́:// спаса́й вся моли́твами твои́ми, апо́столе. Величание Велича́ем тя,/ апо́столе Христо́в Фили́ппе,/ и чтим боле́зни и труды́ твоя́,/ и́миже труди́лся еси́/ во благове́стии Христо́ве.