Священномученику Фоке Синопскому Тропарь, глас 4 И нра́вом прича́стник,/ и престо́лом наме́стник апо́столом быв,/ дея́ние обре́л еси́ богодухнове́нне,/ в виде́ния восхо́д,/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве/ священному́чениче Фо́ко,/ моли́ Христа́ Бо́га,/ спасти́ся душа́м на́шим. Кондак, глас 6 Я́ко архиере́й принося́, о́тче, же́ртвы,/ на коне́ц себе прине́сл еси́ же́ртву живу́ю,/ свиде́тельствовав зако́нно о Христе́ Бо́зе,/ от Áнгел укрепля́ем/ и смерть изволя́я,/ сый с вопию́щими Тебе́:// прииди́, Фо́ко, с на́ми, и никто́же на ны. Величание Велича́ем тя,/ священному́чениче Фо́ко,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.