Священномученику Мирону Кизическому Тропарь, глас 4 Му́ченик Твой, Го́споди, Ми́рон/ во страда́нии свое́м вене́ц прия́т нетле́нный от Тебе́, Бо́га на́шего,/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша. Кондак, глас 4 Измла́да Христа́ возлюби́в, пресла́вне,/ и Того́ соблюда́я Боже́ственныя за́поведи,/ к Тому́ прите́кл еси́ весь цел, Ми́роне всече́стне,/ и со Áнгелы мо́лишися приле́жно.// Проси́ всем почита́ющим па́мять твою́ оставле́ния грехо́в. Величание Велича́ем тя,/ страстоте́рпче святы́й Ми́роне,/ и чтим честна́я страда́ния твоя́,/ я́же за Христа́/ претерпе́л еси́.