джучидский летописец

Талапкер Уалиев: Бүгін студенттермен сабақ қызық өтті. Қалай ойлайсыздар, 15 жасар боксшы әлемдік бокс жұлдыздарын бәрін біле ме, олардың жек пе жектерін қайталап көре ме, олардың бокс стиліне еліктей ме деп сұрадым. "Иә, иә біледі" деп жауап қатты көпшілігі. Ендеше тарихты қалай білесіздер соны көрейік дедім. Студенттерге сендер 3 курста оқисыздар, әдетте осы кезде студенттер өздерінің болашақ ғылыми зерттеу бағыттарының контуры, сұлбасы көрініп жатады. Сүйікті кітаптар (ғылыми еңбектер), авторлар тізімі де қалыптасып, жаңа авторлармен толығып жатады. Ендеше маған сүйікті тарихшыларыңызды атаңыздар деп сұрадым. Студенттер мұндай сұрақты күтпеген болу керек, түрлері кішкене бұзылып кетті. Бірақ, студенттер деген тапқыр халық қой, арасында кейбіреулері неумело хитрить ете бастады. Парталардың арасынан "Ш. Уәлиханов", "Әлкей Марғұлан" деген жауаптар келе бастады. Әрине, арасында одан да бетер неубедительный әрі сәтсіз, тіпті күлкілі жауаптар да болды: "Геродот", "Ілияс Есенберлин", "Елдос Тоқтарбай", "Ахмет Байтұрсынұлы", "Олжас Сулейменов". Сосын гуглды қарай бастады білем, "Гумилев, Гумилев" деп жарыса айта бастады. Бір оқымысты бала "Жак Ле Гофф" деп жауап берді. Қасында жақындадым да сұрастырғым келді, .. қинамайын деп шештім. Жоқ, балапандар, бұларың өтпеді, қазіргі отандық тарихышларды атаңыз дедім. Бұл жерде Парето қағидасына (80/20) сай студенттердің басым көпшілігі беріліп, үнсіз қалды. Үміт қалған 20 пайызда еді. Жауаптар: "Тайыр Султанов" (ресейлік болса да қабылдадым), "Сұлтан Әкімбеков", "Мәмбет Қойгелдиев", "Ханкелді Абжанов", "Жақсылық Сабитов", "Радик Темиргалиев". Ал "Жак Ле Гофф" туралы айтқан оқымысты студент "Әділбек Қаратаев" деді. ...