JAQ.OrtCom.kz ✔

🔎 2026 жылдың 1-10 қараша аралығындағы ресми теріске шығарулардың жиынтығы Фейк: «Қазақстанда банктік депозиттерден түсетін табысқа жеке табыс салығы енгізіледі» ҚР Ұлттық экономика министрлігінің ресми мәлімдемесі: «ҚР Салық кодексінің 430-бабына сәйкес, жеке тұлғалардың банктердегі салымдары (депозиттері) бойынша алатын сыйақыларына жеке табыс салығы салынбайды». Фейк: ҚР Ұлттық банкінің атынан азаматтарға ұрланған қаражатты қайтару және түскен ақша аударымдарын декларациялау қажеттігі туралы хаттар тарату. ҚР Ұлттық банкінің ресми мәлімдемесі: «Алаяқтар Ұлттық банктің атынан азаматтарға жалған хаттар таратып, олардың алаяқтық әрекеттердің құрбаны болғанын хабарлайды. Сондай-ақ қаражатты қауіпсіз қайтару сылтауымен ақша аударуды ұсынады. (...) Ұлттық банк мессенджерлер, электрондық пошта немесе әлеуметтік желілер арқылы хат алмасу жүргізбейді». Фейк: ҚР Туризм және спорт министрі Қазақстанның ресейлік хоккейшілерге бойкот жариялауды қолдайтынын мәлімдеді деген ақпарат. Қазақстан хоккей федерациясының ресми мәлімдемесі: «Қазақстанның ресейлік хоккейшілерге бойкот жариялауды қолдайтыны туралы ақпарат шындыққа сәйкес келмейді». Фейк: «2026 жылғы 17 қарашада жаһандық кибершабуыл жасалып, хакерлер банктік шоттардағы қаражатты нөлге түсіреді, ал бүкіл әлемде интернет үш айға өшіріледі». ҚР Төтенше жағдайлар министрі ресми мәлімдемесі: «...Азаматтарымызға алаңдауға еш негіз жоқ. Үкімет, оның ішінде Төтенше жағдайлар министрлігі мұндай мазмұндағы ешқандай хабарлама таратқан жоқ». 📌 Жалған ақпаратқа қарсы іс-қимыл орталығы бұл тақырып бойынша толық талдау жариялады. Манипуляция: әлеуметтік жәрдемақыларды талқылау аясында әлеуметтік желілерде отбасының материалдық жағдайын бағалауға арналған бейресми «әл-ауқат калькуляторларының» таралуы. ҚР Еңбек және халықты әлеуметтік қорғау министрлігінің ресми мәлімдемесі: «Әлеуметтік желілерде таралып жатқан әл-ауқат калькуляторларын пайдаланбаңыздар».