⚡️ Қазақстанның Туризм және спорт министрінің атынан жалған мәлімдеме таратылуда Шетелдік әлеуметтік желілер сегментінде Туризм және спорт министрі Ербол Мырзабосыновтың атынан айтылған, алайда оған тиесілі емес мәлімдемелер таралуда. Талдау нәтижесінде бұл ақпараттық материалдың X және Bluesky платформаларындағы аккаунттар арқылы орыс, чех және ағылшын тілдерінде таратылғаны анықталды. Ақпаратты таратушылар қатарында Шығыс және Орталық Еуропаның бірнеше елінде орналасқан пайдаланушылар бар. X платформасындағы бастапқы жарияланым бірнеше сағат ішінде 12 мыңнан астам қаралым жинап, 200-ден аса репост жасалды. Бірдей мазмұндағы мәлімдеменің бір мезгілде бірнеше тілде таралуы жалған ақпараттың жүйелі түрде ұйымдастырылғанын аңғартады. Бұл ретте, Қазақстан хоккей федерациясының атқарушы директоры таралған ақпаратты ресми түрде теріске шығарды. Осылайша, әлеуметтік желілерде таралып жатқан мәлімдемелер шындыққа сәйкес келмейді. Қазақстанның ресми ұстанымын бұрмалау арқылы халықаралық шиеленісті қолдан күшейту көзделуі мүмкін. ‼️ Жалған ақпаратқа қарсы іс-қимыл орталығы әлеуметтік желілердегі жарияланымдарға сыни көзқараспен қарап, ондағы мәліметтерді ресми дереккөздер арқылы міндетті түрде тексеру қажеттігін тағы да еске салады. JAQ.Ortcom