❓Հայաստանում սպասվում են նոր թանկացումներ․ իսկ քաղաքացիների եկամուտները հասնու՞մ են գնաճի հետևից Տնտեսական աճի մասին պաշտոնական ցուցանիշները կարևոր են, սակայն ոչ պակաս կարևոր է, թե այդ աճից իրականում որքանով են օգտվում շարքային քաղաքացիները։ Եթե գներն աճում են, իսկ մարդկանց գնողունակությունը չի բարձրանում, ապա տնտեսական հաջողությունների մասին հայտարարությունները հասարակության զգալի մասի համար մնում են ընդամենը թվեր։ Ինչո՞ւ տնտեսական աճը չի արտացոլվում բնակչության կենսամակարդակի վրա, և ի՞նչ է սպասվում Հայաստանի տնտեսությանը, որքանո՞վ է Հայաստանի տնտեսությունը պատրաստ դիմակայելու արտաքին տնտեսական մարտահրավերներին, և ի՞նչ քայլեր են անհրաժեշտ տեղական արտադրողների մրցունակությունը բարձրացնելու համար։ 🎙«Բաց տեքստով» պոդկաստում այս և այլ թեմաներով զրուցում են քաղաքագետ Արման Ղուկասյանն ու տնտեսագետ, «Սոցիալ-տնտեսական զարգացման կենտրոն» ՀԿ նախագահ Գագիկ Մակարյանը։ Հայաստանում առաջիկայում սպասվում է գների հետագա բարձրացում, ինչը կարող է լրացուցիչ ֆինանսական բեռ դառնալ քաղաքացիների համար։ Հատկապես մտահոգիչ է այն հանգամանքը, որ բազմաթիվ ընտանիքների եկամուտների զգալի մասն արդեն ծախսվում է սննդամթերքի, կոմունալ ծառայությունների, դեղորայքի և առաջին անհրաժեշտության ապրանքների վրա․ փաստում է տնտեսագետը։ 🎦զրույցն ամբողջությամբ ♥️@RadioSputnikArm | 🔴🔴 106.0FM