🎙Ո՞վ է որոշում՝ ում հերթն է․ արդարադատությո՞ւն, թե քաղաքական հրահանգ «Հայաստանում վերջին օրերին տեղի ունեցող քաղաքական և իրավական գործընթացները կրկին օրակարգ են բերել պետության ինստիտուցիոնալության հարցը։ Քոչարյանի և նրա որդու շուրջ զարգացումները, ինչպես նաև քաղաքական դաշտի տարբեր ներկայացուցիչների նկատմամբ իրականացվող քրեական հետապնդումները, իշխանությունների կողմից ներկայացվում են որպես օրենքի կիրառման և իրավական գործընթացի մաս։ Այստեղ առաջանում են հարցեր՝ որքանո՞վ են նման գործընթացները հիմնված պետական ինստիտուտների ինքնուրույն աշխատանքի վրա, և որքանո՞վ են դրանք հասարակության մոտ ընկալվում որպես մեկ քաղաքական կենտրոնից կամ նույնիսկ մեկ անձից տրվող ազդակների հետևանք»։ «Բաց տեքստով» պոդկաստում այս և այլ թեմաների շուրջ զրուցում են քաղաքագետ Արման Ղուկասյանն ու Sputnik Արմենիայի քաղաքական մեկնաբան Աշոտ Սաֆարյանը։ «Քաղաքական գործիչների նկատմամբ քրեական հետապնդումները ցանկացած երկրում չափազանց զգայուն թեմա են, որովհետև այստեղ իրավական և քաղաքական գործընթացների միջև սահմանը շատ հեշտությամբ կարող է խախտվել։ Իրավական պետության համար խնդիրը միայն այն չէ՝ տվյալ անձը մեղավոր է, թե ոչ։ Դրա պատասխանը պետք է տա դատարանը։ Ավելի կարևոր է, թե ինչպես է գործում ամբողջ համակարգը, արդյոք նույն չափանիշները կիրառվում են բոլորի նկատմամբ, և արդյոք քրեական հետապնդումների ժամանակացույցը կախված չէ քաղաքական իրավիճակից»։ 🎦զրույցն ամբողջությամբ ♥️@RadioSputnikArm | 🔴🔴 106.0FM