Олжас Бектенов жыл соңына дейін Ұлттық мамандықтар трансформациясы орталығын іске қосуды тапсырды 📌 Үкімет отырысы барысында Премьер-министр Олжас Бектенов Ғылым және Еңбек министрліктеріне жыл соңына дейін жетекші компаниялармен бірге мемлекет пен жеке серіктестік негізінде кәсіптерді трансформациялаудың ұлттық орталығын толыққанды іске қосуды тапсырды. Сондай-ақ колледждердің тартымдылығын арттыру міндеті қойылды. «Оқу бағдарламаларын еңбек нарығы мен халықтың сұранысына сәйкес үнемі жаңғыртып отыру керек. Қажетті микро-біліктіліктерді алу мақсатында қысқа мерзімді модульдік бағдарламалар ашқан жөн. Колледж кәсіби білім мен дағдыларды меңгеру үшін саналы түрде таңдайтын білім ошағына айналуы тиіс», — деп атап өтті Олжас Бектенов. 📱 @KZgovernment