🔑Жас ғалымдарға пәтер бөлу жөніндегі Республикалық комиссияның отырысы өтті Мемлекет басшысының тапсырмасын орындау аясында Қазақстан Республикасы Ғылым және жоғары білім министрлігі жас ғалымдарды қолдау, олардың кәсіби және әлеуметтік дамуына жағдай жасау бағытындағы жұмысты жалғастыруда. Ғылыми ұйымдар мен жоғары және жоғары оқу орнынан кейінгі білім беру ұйымдарының жас ғалымдарына пәтер бөлу жөніндегі комиссияның кезекті отырысы өтті. Отырыс қорытындысы бойынша Астана және Алматы қалаларында жас ғалымдарға тұрғын үй беру мақұлданды. Жас ғалымдарды тұрғын үймен қамтамасыз ету кезең-кезеңімен жүзеге асырылып жатыр. Бұл шара олардың әлеуметтік жағдайын жақсартуға, кәсіби қызметіне қолайлы жағдай жасауға және жас кадрларды ғылым саласында тұрақтандыруға бағытталған. 🔗ТОЛЫҒЫРАҚ: GOV.KZ