"Фасад ужо прыгожы". У Магілёве на доме, які рамантуюць пад аддзяленне расійскай амбасады, замалявалі мурал з "Пагоняй". Пра адкрыццё расійскага дыпламатычнага прадстаўніцтва ў Магілёве стала вядома напачатку лета. Расіяне атрымалі для яго гістарычны будынак у двух кроках ад гарадской ратушы (яе вежу бачна на другім фота). Зафарбаваны мурал стварылі ў 2017 годзе да 750-годдзя Магілёва. На афіцыйным гербе якога — гарадская брама са старажытным сімвалам — "Пагоняй". Горад атрымаў гэты герб у 1660-я, пасля заканчэння 13-гадовай вайны з Расіяй.