Германія не бачыць магчымасці правядзення чэмпіянату свету па хакеі з расійскай зборнай. Пра гэта заявіў афіцыйны прадстаўнік урада Штэфан Карнэліўс на прэс-канферэнцыі. Паводле слоў Карнэліўса, з-за шырокага непрыняцця з боку іншых дзяржаў, а таксама дзелавых і медыяпартнёраў "правядзенне турніру становіцца фактычна немагчымым як са спартыўнага, так і з эканамічнага пунктаў гледжання". Ён адзначыў, што шэраг краін, у тым ліку дзейныя чэмпіёны свету фіны, сур'ёзна пагражаюць байкотам. Паводле яго слоў, гэта сведчыць пра тое, што "міжнароднае хакейнае суполства не прымае вяртання Расіі, нават нягледзячы на рашэнне Спартыўнага арбітражнага суда".