Валер Цапкала і Зміцер Балкунец ў лісце Трампу назваліся суаўтарамі кнігі. Але яе, верагодна, напісаў штучны інтэлект. Яны звярнуліся да прэзідэнта ЗША з просьбай паўплываць на Літву, каб тая спыніла дэпартацыі беларусаў. У подпісах пад лістом абодва пазначылі сябе суаўтарамі кнігі "From the World to America: 250 People Who Shaped the United States". Такая кніга сапраўды існуе. Аднак аналіз @euroradio даступнага ў інтэрнэце яе фрагмента выявіў шмат прыкмет выкарыстання штучнага інтэлекту. Сярод іх — шаблонная структура, характэрныя для нейрасетак фармулёўкі, неабгрунтаваныя абагульненні і падазрона гладкі стыль.