Былую прэс-сакратарку Зяленскага падазраюць у дзяржаўнай здрадзе. Служба бяспекі Украіны і Офіс генпракурора краіны паведамілі Юліі Мендэль пра гэта завочна — бо яна ўжо працяглы час жыве за мяжой. Паводле даных следства, у сваіх публічных выказваннях і допісах у сацыяльных сетках Мендэль "дыскрэдытавала Украіну на міжнароднай арэне", а таксама "апраўдвала расійскую ўладу і поўнамаштабную вайну супраць Украіны".