Відэакамеры на дамах могуць ставіць без рашэння сходу ўласнікаў. Норма замацаваная ў новым указе Лукашэнкі, які быў апублікаванны сёння. Пры гэтым уласнікі кватэр будуць вызваленыя ад абавязку плаціць за ўтрыманне і эксплуатацыю сістэмы — усё будзе аплачвацца з бюджэту. Выключэнне зрабілі для нежылых памяшканняў, якія выкарыстоўваюцца для атрымання даходу і абсталяваныя камерамі відэаназірання. Таксама МУС зможа патрабаваць, каб ужо пастаўленыя ў грамадскіх месцах відэакамеры былі падключаныя да адзінай сістэмы маніторынгу. Па патрабаванні МУС уладальнікі аб'ектаў і арганізацый будуць абавязаныя даць доступ "Белтэлекаму" для такога падключэння.