У каго ў Беларусі хутчэй за ўсё растуць заробкі? Спойлер: зусім не ў айцішнікаў. Згодна з афіцыйнымі данымі за першыя 9 месяцаў гэтага году, у лідарах па росту рэальных заробкаў знаходзяцца чыноўнікі — 12,5% у параўнанні з такім жа перыядам 2025-га. У тройку таксама ўваходзяць "адміністратыўныя паслугі" (11,4%) і будаўніцтва (11,1%). У сярэднім па краіне ў студзені-верасні рэальныя заробкі выраслі на 7,7% у параўнанні з такім жа перыядам мінулага году. А вось айцішнікі — антылідары спісу: усяго толькі 1,7% росту.