Стуб і Сцёрэ перадалі Пуціну, што Зяленскі хоча правесці з ім прамыя перамовы. Той ізноў прапанаваў прэзідэнту Украіны ехаць у Маскву. Маўляў, там для яго будуць створаныя ўсе неабходныя ўмовы — і ў тым ліку будзе гарантаваная бяспека. Пра гэтую частку тэлефоннай размовы прэзідэнта Фінляндыі і прэм'ер-міністра Нарвегіі з Пуцінцм расказаў яго памочнік па знешнепалітычных пытаннях Юрый Ушакоў. Таксама Пуцін чарговы раз запатрабаваў перадаць пад кантроль Расіі ўвесь Данбас. Нават тыя тэрыторыі, якія расіяне не змаглі захапіць.