Сенатары ЗША могуць заблакаваць прызначэнне Джона Коўла на новую пасаду. Прычына — праблемы са спадарожнікавай сувяззю ва ўкраінскай арміі. Рэспубліканцы і дэмакраты папярэдзілі Белы дом: кандыдатуры Трампа могуць не атрымаць ухвалення, пакуль украінскім вайскоўцам не адновяць паўнавартасны доступ да сувязі, паведамляе The New York Times. Гаворка пра перабоі ў сетцы Starshield кампаніі SpaceX. Яны ўскладняюць кіраванне дронамі і перахоп расійскіх беспілотнікаў. Хто і чаму абмежаваў сувязь, пакуль невядома. Сярод кандыдатаў — спецпасланнік ЗША па Беларусі Джон Коўл. Трамп прапанаваў прызначыць яго спецпасланнікам па справах закладнікаў у рангу амбасадара. Раней Коўл удзельнічаў у перамовах, пасля якіх вызвалілі больш за 500 беларускіх палітвязняў.