Беларускі пашпартны цэнтр выдаў 600 "Пашпартоў Новай Беларусі". Яшчэ каля 60 заявак у апрацоўцы. Хаця прызнанне дакументу на ўзроўні дзяржаўнага па-ранейшаму малаверагоднае, пашпарт з гербам "Пагоня" атрымліваюць, у асноўным, тыя, у каго скончыўся тэрмін дзеяння традыцыйнага беларускага пашпарта. Здараліся выпадкі, калі "Пашпарт Новай Беларусі" дапамагаў у побытавых справах. Дзяржаўныя органы ў розных краінах ішлі насустрач, прымалі яго як пасведчанне асобы. Самае важнае пры такіх зваротах — пазначаць, што гэта не пашпарт дзяржавы і ён не мае афіцыйнага прызнання. Ну і мяжу перасякаць з такім дакументам нельга.