Невядомы пагражае журналісту Аляксандру Класкоўскаму. Ліст з пагрозай фізічнай расправы прыйшоў на пошту выдання "Позірк", дзе ён працуе. "Аўтар скарыстаўся сэрвісам Atomic Mail, які не паказвае атрымальніку IP-адрас адпраўніка. У лісце паведамляюць, што мне трындзец (змякчаю выраз), і раяць павесіцца самому. На ўсякі выпадак паведамляю: такога намеру ў мяне няма. І адмаўляцца ад крытыкі пэўных персон і з'яў я таксама не збіраюся".