Новыя грамадскія прыбіральні ў Рэчыцы задалі загадку мясцовым жыхарам. Ёсць дзверы ў кабінкі для мужчын, для жанчын і для людзей з інваліднасцю. А чацвёртыя дзверы для каго? Як высветлілася, за імі знаходзіцца кабінка са сталом і крэслам для наглядчыцы. А схема працы "аўтаномнай" прыбіральні такая: каля ўвахода сядзіць дзяўчына, якая прымае аплату і сочыць за чысцінёй. Такім чынам, праца прыбіральні аказваецца пад пытаннем у дрэннае надвор’е і ў цёмны час сутак, заўважае @flagshtok. Гараджане ўжо зразумелі, што такія прыбіральні часта будуць зачыненыя, і патрабуюць вярнуць класічныя прыбіральні.