Рост рэальных даходаў на 3% і інфляцыя, не большая за 6%. Лукашэнка зацвердзіў прагноз развіцця Беларусі на 2027 год. Згодна з чаканнямі ўраду, беларуская эканоміка ў наступным годзе мусіць вырасці на 1,9%. Для гэтага трэба будзе на 2,9% павялічыць экспарт — праз "шырокую геаграфію знешнегандлёвых кантактаў і пашырэнне супрацоўніцтва з апорнымі пунктамі ў КНР і краінах далёкай дугі, у Расійскай Федэрацыі і СНД".