Кіраўніцтва ЗША настойвае на трох неадкладных кроках для дээскалацыі расійска-ўкраінскай вайны. Пра гэта расказаў украінскі прэзідэнт Уладзімір Зяленскі. Штаты прапануюць спыніць абстрэлы энергетычнай інфраструктуры, аднавіць працу Чарнаморскага збожжавага калідора і правесці трохбаковую сустрэчу ЗША — Расія — Украіна. Як варыянты для правядзення такой сустрэчы прапануюцца Абу-Дабі або саміт G20 у Маямі ў снежні. Зяленскі заявіў, што ўкраінскі бок гатовы да любога фармату ўзаемадзеяння: "Мы адкрытыя — для любой краіны, любога фармату". Аднак ён выказаў сумнеў, што такія ж намеры мае Уладзімір Пуцін.