Не толькі Лукашэнка мяняе вязняў на санкцыі. Сёння Ільхам Аліеў (на фота) памілаваў грамадзяніна Францыі Мартэна Раяна, прысуджанага ў Азербайджане да дзесяці гадоў зняволення па абвінавачанні ў шпіянажы. Гэта адбылося на наступны дзень пасля таго, як Еўрасаюз зняў санкцыі з расійскіх алігархаў Усманава і Фрыдмана — а Францыя была адной з чатырох краінаў, якія гэта патрабавалі. Раян быў затрыманы ў снежні 2023 года. Па версіі следства, ён працаваў на французскую разведку. Акрамя яго, у Азербайджане адбывае 12-гадовы тэрмін французскі топ-менеджар кампаніі Saur Анас Дэраз, асуджаны па справе пра хабар. Пра яго памілаванне пакуль не паведамлялася.