Мінскія кіроўцы праігнаравалі "Дзень без аўтамабіля. Увечары 22-га верасня сэрвіс "Яндэкс.Карты" зафіксаваў у сталіцы Беларусі максімальныя — 10-бальныя заторы. Сутнасць акцыі ў тым, каб на адзін дзень адмовіцца ад машыны і паехаць па справах на грамадскім транспарце. Ці ўвогуле пайсці пешшу. Мінскі грамадскі транспарт сёння працаваў для кіроўцаў бясплатна — трэба было толькі паказаць правы і тэхпашпарт. Чакаецца, што сітуацыя на дарогах Мінска палепшыцца прыкладна праз гадзіну.