Былы начальнік Ганцавіцкай міліцыі ўцёк з псіхіятрычнай лякарні. Але яго хутка знайшлі. Пра гэта піша "Ганцавіцкі час". 17-га верасня Віталь Куляшоў самавольна пакінуў стацыянарнае аддзяленне Баранавіцкага псіханеўралагічнага дыспансера. Ён трапіў туды пасля звальнення з міліцыі і спробы самагубства. Выданне піша, што ў раёне Куляшова памятаюць па незаконных загадах, якія ён даваў падначаленым. Найбольшую вядомасць ён атрымай фразай, сказанай на камеру пры затрыманні журналістаў: "Выключы гэтую х...ню, а то заўтра з працы павыганяюць".