Беларускія тураператары не трапілі пад прыпыненне запісу на італьянскія візы. Пра гэта паведамляе Рэспубліканскі саюз турыстычных арганізацый. Днямі стала вядома, што візавы цэнтр Італіі ў Мінску часова прыпыніў запіс на падачу дакументаў. Выявілася, што гэтае рашэнне датычыць толькі індывідуальнай падачы. Для турыстычных кампаній, якія з'яўляюцца аўтобуснымі аператарамі на італьянскім кірунку і акрэдытаваныя ў італьянскай амбасадзе, нічога не змянілася. Яны працягваюць збіраць, правяраць і падаваць дакументы ў звычайным рэжыме.