Для вызваленых сёння палітвязняў сабрана 25 тысяч еўра. На гэта спатрэбілася крыху менш за шэсць гадзінаў. Гэта значыць, што ў дадатак да іншай дапамогі, кожны вызвалены 16-га верасня атрымае як мінімум па 1 тысячы еўра. Грошы пойдуць на арэнду жылля, медычныя паслугі, аднаўленне дакументаў і іншыя неабходныя выдаткі. Экстраны збор працягваецца тут. Чым больш атрымаецца сабраць — тым большая сума будзе раздзеленая паміж палітвязнямі. Дзякуй усім вялікі за гэтую заўсёдную беларускую салідарнасць!