41,3% беларусаў кожны месяц выдаткоўваюць усё, што зарабляюць, і не могуць нічога адкладаць. А 33,4% вымушаныя нават браць крэдыты. Такія даныя прынесла апытанка, праведзеная ў ліпені-жніўні дзяржаўнымі сацыёлагамі — Інстытутам сацыялогіі Акадэміі навук. 28,1% назапашваюць грошы ў беларускіх рублях, 18,4% — у валюце. 14,1% укладваюцца ў адукацыю — сваю і дзяцей. 12,4 "лішнія" грошы кладуць у банкі, а 5,4% інвестуюць у нерухомасць. На іншае пытанне: што вы (ваша сям'я) зрабілі/набылі для паляпшэння вашага жыцця ў наступны перыяд? — больш за палову рэспандэнтаў не знайшлі, што адказаць.