Міністр транспарту Літвы кажа, што ўрад не плануе забараняць аўтобусы ў Беларусь. "Мы заўсёды трымаем руку на пульсе, заўсёды ўзважваем. Перыядычна даем гэтаму ацэнку. Але рэзкіх рухаў рабіць дакладна не будзем", — цытуе Юраса Тамінскаса інфармагенцтва BNS. Раніцай дэпутат Сейма Літвы Арвідас Анушаўскас прапанаваў забараніць аўтобусныя рэйсы ў Расію і Беларусь — каб падтрымаць Латвію, дзе падобная норма разглядаецца і можа быць уведзеная з пачатку наступнага года.