Іван Краўцоў ізноў хоча стаць сакратаром Каардынацыйнай Рады. Ён пакінуў гэтую пасаду 10 жніўня. Дэлегаты КР сёння пачнуць галасаваць за новага сакратара. Акрамя Краўцова, на пасаду прэтэндуюць некалькі чалавек: ⚫️сябра фракцыі "Наступ" Яўген Караулаў. ⚫️ актывіст Аляксей Кірыенка (АГП). Кандыдатуру падтрымаў “Рух Воля”. ⚫️ экс-палітвязень Дзмітрый Максімчык (ад "Беларусаў дзеяння"). Як і Караулаў, Краўцоў уваходзіць у фракцыю "Наступ". Але на пасаду яго вылучыў не свой спіс, а група дэпутатаў з іншых фракцый. Вынікі галасавання мусяць стаць вядомымі ўвечары ў сераду.