У Мінску прызямліўся першы рэгулярны рэйс з Душанбэ. Бесперасадачнае спалучэнне паміж Беларуссю і Таджыкістанам запусціла авіякампанія Somon Air. Палёты будуць выконвацца раз на тыдзень, па суботах. Квіткі з Душанбэ ў Мінск каштуюць ад 325 еўра, а зваротныя — ад 319 еўра. У паветры самалёт праводзіць каля пяці гадзінаў. Першы рэйс сустракалі ўрачыста, з воднай аркай і караваем.