OZON спрабуе выратавацца ад страт ад атак беспілотнікамі. Кампанія вырашыла, што пункты выдачы заказаў змогуць працаваць "як невялікія лагістычныя цэнтры". То бок кампанія будзе размяшчаць і прадаваць тавары наўпрост са сваіх ПВЗ. Атакі на склады іншага маркетплэйса, Wildberries, акрамя вялікіх страт у тым ліку ў беларускіх прадаўцоў прывялі да затрымак з атрыманнем пакупнікамі сваіх заказаў. Некаторыя беларусы скардзіліся, што чакаюць іх ужо па некалькі тыдняў. Згодна з данымі Similarweb, аплікацыя OZON з'яўляецца найбольш папулярнай сярод беларускіх карыстальнікаў і ў Google Play, і ў App Store.