Апеляцыю па справе байца беларускага "эскадрона смерці" разгледзяць 22 верасня. Сваякі зніклых палітыкаў дамагаюцца для Юрыя Гараўскага абвінаваўчага прысуду. Гараўскі расказаў у СМІ, што ў якасці байца САХР меў дачыненне да выкрадання апазіцыйных палітыкаў у 1999-2000 гадах — экс-міністра ўнутраных спраў Юрыя Захаранкі, экс-старшыні Цэнтрвыбаркама Віктара Ганчара і бізнесоўца Анатоля Красоўскага. У верасні 2023-га суд у Швейцарыі апраўдаў Гараўскага па абвінавачаннях у шматлікіх гвалтоўных знікненнях і ў перашкодах правасуддзю. Суд палічыў ягоныя паказанні недастаткова надзейнымі.