У беларускіх школах з новага навучальнага года ўзмоцняць прапускны рэжым. У прыватнасці, будзе дазволены дагляд асабістых рэчаў вучняў без прысутнасці бацькоў. Галоўная задача такога надгляду — не дапусціць, каб вучні праносілі ў школы небяспечныя і забароненыя прадметы. Права праводзіць дагляд атрымаюць міліцыянты, якія дзяжураць у школах, і ахова. Пры даглядзе непаўналетніх абавязкова павінен прысутнічаць прадстаўнік педагагічнага складу.