"Еўропа не можа дазволіць сабе страціць аніводную нацыю, якая імкнецца да сапраўднай незалежнасці". Пра гэта прэзідэнт Украіны Уладзімір Зяленскі заявіў у адказ на віншаванне ад Святланы Ціханоўскай з Днём незалежнасці Украіны. "Не менш важна, каб Беларусь не была ўцягнутая ў жорсткую вайну Расіі і ў выніку стала дэмакратычнай, адкрытай і мірнай краінай", — падкрэсліў Зяленскі ў сваім адказе. Ён дадаў, што "Украіна ўдзячная тым беларусам, якія разам з украінскімі вайскоўцамі абараняюць нашу агульную свабоду".