На дне цясніны Курумду ў Кыргызстане выявілі тры целы. Сярод іх могуць быць зніклыя беларусы. Паводле слоў кіраўніка Федэрацыі альпінізму Кыргызстана Эдуарда Кубатава, з вялікай верагоднасцю знойдзеныя целы належаць двум альпіністам з Беларусі і літоўцу, якія зніклі разам. "Але мы можам казаць толькі "з вялікай верагоднасцю", — удакладніў Кубатаў. Каб устанавіць асобы загінулых і вырашыць пытанне з транспарціроўкай целаў ратавальнікі вымушаныя чакаць устойлівага надвор'я. Мікалай Свірыдаў, а таксама грамадзянін Літвы Сяргей Рубцоў 1 жніўня падняліся на пік Курумды ў Кыргызстане. Апошні раз на сувязь яны выйшлі 2 жніўня, пасля чаго планавалі спуск у базавы лагер. Аднак на месца сустрэчы альпіністы так і не выйшлі, пасля чаго пачалася пошукавая аперацыя.