У Польшчы адбылася ўцечка даных амаль 19 мільёнаў чалавек. У іх лік трапілі і беларусы. Хакеры ўзламалі сістэму электроннай аховы здароўя MyDr. Факт уцечкі даных пацвердзіў міністр лічбавізацыі Польшчы Кшыштаф Гаўкоўскі. Паводле яго, слядоў замежных спецслужбаў за гэтай атакай не заўважылі. Праверыць, ці трапілі вы ў папярэднія злівы, можна на адмысловым сайце: bezpiecznedane.gov.pl. Там жа можна зрабіць так, каб вам прыйшло апавяшчэнне пры трапленні ў новыя базы.