Нацыянальнае антыкарупцыйнае бюро Украіны праводзіць спецаперацыю па выкрыцці злачыннай арганізацыі. Сцвярджаецца, што групоўка дзейнічала пад кіраўніцтвам цяперашняга і былога народных дэпутатаў Украіны. Акрамя таго, у ёй бралі ўдзел чыноўнікі Офіса прэзідэнта. Дэталі спецаперацыі ў НАБУ не раскрываюць. Тым не менш ва ўкраінскіх СМІ з'явіліся звесткі, што антыкарупцыйная аперацыя датычыць намесніцы кіраўніка Офіса прэзідэнта Ірыны Мудрай, народнага дэпутата Вадзіма Столара, экс-дэпутата Максіма Мікітася, чыноўнікаў Міністэрства юстыцыі, прадстаўнікоў "Сэнс банка".