Масавыя праверкі работнікаў Мазырскага нафтаперапрацоўчага завода скончыліся нічым. Як даведалася выданне @flagshtok, крымінальныя справы вырашылі не пачынаць. Выявілася, што пры ўмове прыцягнення да адказнасці ўсіх падазраваных на НПЗ з'явіцца дэфіцыт кваліфікаванага персаналу. У чэрвені паведамлялася, што на прадпрыемства прыйшлі супрацоўнікі ўпраўлення па барацьбе з эканамічнымі злачынствамі. Яны цікавіліся замежнымі камандзіроўкамі работнікаў. Пад падазрэннем сілавікоў тады аказаліся каля 400 работнікаў завода, якія ездзілі ў камандзіроўкі за мяжу цягам апошніх гадоў. Іх падазравалі ў неапраўданай растраце сродкаў прадпрыемства.