Мікалай Статкевіч заклікае спыніць раскол паміж тымі беларусамі, якія пакінулі радзіму, і тымі, хто застаўся. Ён называе трагедыяй тое, што пяць гадоў таму ў выніку рэпрэсій, запалохвання, публічных інфармацыйных кампаній Беларусь пакінула паўмільёна чалавек: Улічваючы якасць гэтых выгнаных з Беларусі людзей, сярэдні ўзровень іх адукацыі ды актыўнасць, эканоміцы нашай краіны, перспектывам яе развіцця нанесена каласальная шкода. На думку Статкевіча, такая "зачыстка" была звязаная з падрыхтоўкаю да поўнамаштабнай вайны Расіі супраць Украіны.