🐟 "Чырвонакніжная" рыба прыплыла ў Беларусь на нераст Гэта Кумжа, якую яшчэ называюць Марская стронга. Гэта рэдкая рыба сямейства ласосевых, занесена ў Беларусі ў Чырвоную кнігу. Рыба распачала нераст у невялікай рацэ ў Астравецкім раёне на Гарадзеншчыне. Большую частку жыцця Кумжа праводзіць у моры, а для размнажэння вяртаецца ў прэсныя вадаёмы. У Беларусь рыба прыплывае з Балтыйскага мора праз раку Вілію і яе прытокі, пераадольваючы сотні кіламетраў. Нераст Кумжы звычайна праходзіць позняй восенню і ў пачатку зімы. Для адкладання ікры рыба выбірае невялікія рэкі і ручаі з чыстай, прахалоднай вадой і камяністым дном. У Беларусі кумжа мае першую, вышэйшую катэгорыю прыродаахоўнай значнасці. Гэта азначае, што Кумжа знаходзіцца пад пагрозай знікнення і вылаў гэтай рыбы забаронены. Відэа: OhranaPrirody у TikTok ☝️