☝️Маёмасць былога палітзняволенага святара ўсё ж прадаюць з аўкцыёну Днямі прадалі паўпрычэп да легкавіка і старажытны абраз, якія належылі ксяндзу Генрыху Акалатовічу. Раней падобным чынам прадалі іншыя два абразы, якія з'яўляюцца гісторыка-культурнай каштоўнасцю, і легкавы аўтамабіль. Аўкцыёны пераносілі па некалькі разоў і зніжалі кошты на маёмасць ксяндза з-за адсутнасці пакупнікоў. Так, безвынікова спрабуюць прадаць зямельны ўчастак айца Генрыха ў Баранавіцкім раёне, які перайшоў яму ў спадчыну ад бацькоў. Нагадаем, што валожынскі ксёндз Генрых Акалатовіч быў арыштаваны ў 2023 годзе, звінавачаны ў "здрадзе дзяржаве", прыгавораны да11 гадоў калоніі і буйному штрафу. У 2025 годзе вызвалены і вывезены ў Ватыкан.☝️