💥 Праваенныя Telegram-каналы: падчас атакі дронаў на Санкт-Пецярбург разбіўся расейскі вайсковы верталёт Паводле расейскіх каналаў, загінулі абодва лётчыкі. Пра крушэнне паведаміў канал Fighterbomber. Абставіны катастрофы невядомыя, Мінабароны Расеі не каментавала страту верталёта. У ноч на 11 лістапада Ленінградская вобласць зазнала масаваную атаку беспілотнікаў. Паводле губернатара рэгіёну, над вобласцю збілі 150 дронаў. Абноўлена. Медыя паведамляюць пра гібель трох экіпажаў расейскіх верталётаў падчас адбіцця атакі дронаў на Ленінградскую вобласць. Паводле паведамлення расейскага праваеннага Telegram-канала «Воевода вещает», загінулі сем вайскоўцаў з трох экіпажаў. Сярод страчанай авіяцыі называюць ударны верталёт Ка-52 «Аллигатор» і, магчыма, Мі-8.