Аўтар скандальнай скульптуры ў Быхаве заявіў, што зрабіў яе для гораду бясплатна У адказ на крытыку кампазіцыі «Жанчыне-маці», якую ўсталявалі ў гарадскім парку Быхава яе аўтар Аляксандр Мінькоў сказаў, што месяц працаваў з гранітам бясплатна, а з бюджэту аплацілі толькі камень і падаткі. На закіды крытыкаў мастак прапанаваў ім самім паспрабаваць за месяц апрацаваць сем тон граніту. Раней мясцовыя ўлады прызналі, што да помніка ёсць «вялікія заўвагі», і паабяцалі выправіць недахопы. На каментары аўтара звярнула ўвагу выданне «Зеркало».